امریکہ میں فائرنگ کے نتیجے میں 2 افراد ہلاک

مہر خبررساں ایجنسی نے ایسوسی ایٹڈ پریس کے حوالے سے نقل کیا ہے کہ امریکی ریاست ٹیکساس اور ایریزونا کی یونیورسٹیوں میں فائرنگ کے واقعات میں 2 افراد ہلاک جب کہ 3 زخمی ہوگئے ہیں۔ اطلاعات کے مطابق امریکہ کی مختلف جامعات میں فائرنگ کے واقعات میں 2 افراد ہلاک جب کہ 3 زخمی ہوگئے۔ حکام کا کہناہے کہ فائرنگ کا پہلا واقعہ ریاست ایریزونا کی یونیورسٹی میں پیش آیا جہاں مسلح شخص کی فائرنگ کے نتیجےمیں ایک شخص ہلاک اور3 زخمی ہوگئے جب کہ کچھ ہی دیر بعد ریاست ٹیکساس کی یونیورسٹی میں بھی فائرنگ سے ایک شخص ہلاک ہوگیا۔واضح رہے کہ امریکہ میں یونیورسٹیوں میں فائرنگ کے واقعات عام ہوچکے ہیں جب کہ گزشتہ ہفتے ریاست اوریگون کی یونیورسٹی میں بھی مسلح شخص کی فائرنگ سے 9 افراد ہلاک ہوگئے تھے۔